Afiadores / Cutlers

O dos afiadores é oficio ambulante por excelencia, característico da provincia de Ourense. No seu traballo chegaban ata recantos moi distantes da súa orixe e tal vez por iso, para fortaleceren a comunidade de oficio, crearon o barallete, linguaxe peculiar semellante á de canteiros, telleiros e cesteiros.

A roda e unhas poucas ferramentas son o seu medio de traballo, que consiste en afiar coitelos, tesoiras, fouces... É frecuente que compartan esta dedicación coa de paraugueiros, cantorleiros e zarralleiros.

This is a street trade for the most part and is typical of the province of Ourense. They would wander far away from home and maybe due to this they created ,"barallete", their own language similar to that of the crockers or the tinkers.